Лінгвамазатка «Мая мова – мой свет, мая душа»

 21 лютага ва ўсім свеце адзначаецца Міжнародны дзень роднай мовы. У фармаце свята бібліятэка прапанавала навучэнцам 7 класа ДУА «Сярэдняя школа №27 г. Магілёва» інтэрактыўны квэст «Ключавыя словы беларусаў». З дапамогай карты і размешчаных у бібліятэцы падказак удзельнікі гульні выконвалі заданні, якія дазволілі прадэманстраваць свае веды па беларускай мове, літаратуры і гісторыі, набытыя падчас вучобы, а таксама ўменне працаваць разам. У канцы гульні кожны ўдзельнік атрымаў салодкі камплімент.

Навучэнцы УА «Магілёўскі дзяржаўны каледж мастацваў» спецыялізацыі «Бібліятэказнаўства і бібліяграфія» для выхаванцаў старэйшай групы ДУА «Дзіцячы сад №71 г. Магілева» правялі гучнае чытанне і паказ спектакля беларускай народнай казкі «Пшанічны каласок» (тэатр ілюстраванага аповеду «Фланелеграф»). З вялікай увагай і цікавасцю прысутныя паглядзелі беларускую народную казку «Пшанічны каласок», адказалі на пытанні літаратурнай віктарыны. Адгадвалі і загадвалі беларускія загадкі​, расказвалі, якія беларускія народныя казкі яны ведаюць і хто ў першыню пазнаёміў іх з казкамі. Завяршылася мерапрыемтсва праглядам мультфільма «Піліпка», паводле беларускай казкі «Піліпка-сынок» .

На працягу дня у фае бібліятэкі працавала інфа-інсталяцыя «Смак беларускай кнігі» і кніжныя выставы: «Роднай зямлі галасы: пісьменнікі-юбіляры 2024», «Няскучная беларуская класіка», «Вітаю цябе, казка беларуская».

Аматары беларускіх мультфільмаў мелі магчымасць паглядзець мультфільмы «Прыгоды Несцеркі», «Піліпка», «Чаго на свеце не здараецца», «Дзед».

Прыняць удзел у квізе «21 лютага — Дзень роднай мовы» можна было на сайце бібліятэкі, а ў анлайн-апытанні «Кніга на роднай мове, якая мяне ўразіла» на старонцы ў Інстаграм.