«Паўгадзiны з роднай мовай»

21 лютага ў бібліятэцы прайшоў Дзень роднай мовы пад назвай «Паўгадзіны з роднай мовай».

У бібліятэку былі запрошаны навучэнцы пачатковых класаў ДУА «Гімназія №2 г.Магілёва». Супрацоўнік бібліятэкі распавядала ім пра гісторыю ўзнікнення Міжнароднага дня роднай мовы, затым слухачы адгадвалі вясёлыя беларускія загадкі, тлумачылі беларускія прымаўкі і прыказкі. Гэта сустрэча нікога не пакінула абыякавым. Усе яшчэ раз упэўніліся ў тым, што наша мова самая прыгожая і мілагучная.

На працягу дня ўсе жадаючыя мелі магчымасць прыняць удзел у моўнай віктарыны “Не проста ў словы я гуляю – на роднай мове размаўляю” і віктарыне-гульне “Смак роднай мовы”. Яны спрабавалі прагаварыць беларускія скарагаворкі і растлумачыць беларускія словы, перакладалі рускія словы на беларускую мову, расшыфроўвалі прыказкі. Усе, хто прымаў удзел змаглі паказаць неблагія веды і праявіць эрудыцыю.

Падчас апытання “Якое беларускае слова вы найбольш часта ўжываеце ў паўсядзённым жыцці?” ў лідэры выйшла слова “Дзякуй!”.

На працягу дня працавалі: выстава-панарама “Вернісаж чытацкіх задавальненняў” і выстава-пагляд “Вясёлка роднай мовы”.

Дзень роднай мовы атрымаўся яркім і запамінальным. Той, хто наведаў бібліятэку ў гэты дзень, атрымаў не толькі беларускую кнігу, але і зарад добрага настрою.